Bitin í rassinn af ellinni....

Jæja nokkuð sem ég vill koma á framfæri

•  Málþing Vöku síðastliðinn fimmtudag gekk ótrúlega vel Fulltrúar frá öllum stjórnmálaflokkunum mættu, Egill Helga stóð sig mjög vel, mæting var góð og skemmtilegar umræður sem fóru af stað. Vill bara þakka öllum sem komu á málþingið.

• Hafnfirðingar höfnuðu  stækkun álversins, ég hef svo sem ekkert mikið um það að segja enda var ég ekki búin að kynna mér málið nógu vel til að taka afstöðu með eða á móti. Finnst samt alveg magnað að heyra Guðfríði Lilju tala um þetta í Silfrinu í dag. Konan talar eins og heilaþveginn meðlimur í sértrúarsöfnuði. Hver segir að þessi 50,03 % sem kusu á móti séu alfarið á móti álvæðingu ? Er ekki möguleiki að hluti af þessu fólki hafa bara einfaldlega ekki viljað álver í bakgarðinn hjá sér? Hver segir að allt þetta fólk sé á móti núverandi ríkisstjórn ? Er alltaf sama sem merki á milli þess að vera í stjórnarandstöðu og á móti stóriðju ? Er fólki í alvöru raðað í hópa eins og litlum leikföngum ?
  

• Er orðin svo þreytt á þessari einfeldni. Ef þú ert ekki með þá ertu á móti ! Annað hvort ertu femínisti eða kvennhatari, á móti klámi eða klámhundur, grænn eða grár....
  

• Vill hrósa menntamálaráðherra og fleirrum fyrir að koma á jöfnunarsjóði vegna ferðakostnaðar íþróttafélaga. Á eftir að auðvelda rekstur íþróttafélaga á landsbyggðinni.

• Vill óska skáksveit Grunnskóla Vestmannaeyja til hamingju með Íslandsmeistartitilinn. Frábært að heyra svona jákvæðar fréttir úr eyjum. Til hamingju strákar.

• Enn eitt ár bætist í safnið í dag. Er sem sagt orðin 21 árs og dagurinn í dag verður heldur betur frábrugðinn síðasta afmælisdegi. En þá sat ég á strönd á Sharm El Sheik, drakk bjór og horfði á sólina setjast yfir Rauðahafinu. En í dag mun ég sitja yfir lögfræðibókum á Þjóðarbókhlöðunni. Já lífið er ekki alltaf sanngjarnt, en ég get svo sem ekki kvartað.

• 

          Þetta útsýni hafði ég úr hótelherberginu mínu í Egyptalandi...

 

• Fer til eyja á morgun og verð fram yfir páska